Teknologia e Metodologia

Bideoan honetan ikusi ahal izan dugu, metodologia tradizionala ikasleak aspertzen dituela baina, teknologia berrien munduan murgiltzea ez da bakarrik teknologia horiek ikasgelan sartzea. Honekin esan nahi dut, eskola batera nahiz eta ordenagailuak eta teknologia punta puntakoa eraman, metodologia aldatzen ez bada, ez du ezertarako balio izango. Nire ustez, garrantzitsuena ez da eskola batek teknologia berrienak izatea baizik eta, irakasteko erabiltzen duen metodologiak ikasleak motibatzea eta hauek, ikasi nahi izatea.

2008.V.15

Gaurko klasean, irakasleen ebaluazioa egin dugu. Ondoren, irakaslea ikasle batekin joan da eta nik, izan ditudan zalantzak ikaskide batzuei galdetu dizkiet. Gero, power pointarekin jarraitu dugu. Gaur ikasi dugu power pointan gauzak zelan sartu, batzuk lehenengo eta beste batzuk beranduago, sartzen ditugun irudiak mugimenduan sartzen... Gaurko lana pasan astekoaren jarraipena izan da. Hau ikusi eta gero, zelan gorde azaldu digu irakasleak, "empaquetar para CD-ROM" erabiltzen.

2008.V.08

Gaurko klase praktikoan, power pointari buruz hitz egin dugu. Hitz egin baino, power pointaren bidez egindako aurkezpen batean ahotsa nola sartu ikasi dugu. Horretarako, lehenengo irakasleak eman dizkigu hainbat power point eta guk kopiatu egin behar izan ditugu. Horretarako irudi batzuk nondik atera ere azaldu behar izan digu batez ere, aurrean egon garenoi. Ondoren, den - dena k0piatu ondoren ahotsa nola sartu azaldu digu. Honen alboan, irudiak sartzearena oso erraza izan da ahotsarena konplikatuagoa izan baita. Ahotsa sartu baino lehen musika sartu diegu power pointak ikusten diren bitartean entzun daitezen. Guk atal hori ezin izan dugu egin ordenagailuak ez digulako utzi baina tira, behintzat zelan egiten den entzun ahal izan dugu. Musika sartu dutenean besteek ahotsa sartu diogu. Gu bi egon garenez, txandaka egin dugu eta gure power pointetan bi ahots entzuten dira. Bueno, ba hau da gaurko saio praktikoan ikasi duguna; orain zailena izango da, etxean bakarrik gaudela praktikan jartzea.

El desarrollo de competencias informacionales y digitales en el alumnado

Artikulu hau irakurri ondoren, argi geratu zait teknologiak gero eta gehiago sartzen ari direla irakaskuntzan. Ez dudana ulertzen da, artikulu honek dioena egia bada eta teknologiena errealitatea bada jada, zergatik karrera honetan ordenagailuak ez ditugun ikusi 3. mailara arte eta astean klase bat baino ez daukagun. Niretzat egia esan hobe da zeren ordenagailuekin ez naiz batere ondo konpontzen.

Horretaz aparte, ikusten dudanez gero eta gehiago sartuko dituzte bale, baina orain dauden irakasleak eta ez orain irakaskuntza ikasten ari direnak, prest al daude klaseak ordenagilu bidez emateko? Nik ez dut uste baina denetara moldatu beharko da eta nik dakidan gauza bakarra da datorren urtean informatikari buruzko hainbat kurso ikasi beharko ditudala seguruenik etorkizun ez hain urrunean niri tokatuko zaidalako ordenagailu bidez klaseak ematea. Beldurra ematen dit momentu hori iritsiko delako behar bada, nik nahi dudana baino lehenago.

Ariño, el pueblo interactivo

Bideo hau ikusi nuenean hitz barik gelditu nintzen. Ezin nuen sinistu hain ikasle gazteak horrela maneiatzea ordenagailuekin. Badakit zenbat eta gazteagoa izan, behar bada errazago ikasiko dituztela gauza hauek guztiak baina, hala eta guztiz be, harrituta gelditu nintzen. Niretzat honek, bere alde onak eta txarrak ditu. Onen aldean dago, gaur egun ordenagailuak gero eta gehiago sartzen ari direla gure gizartean eta hain txikitatik erabiltzen jakinez, hobeto moldatuko dira gerora begira. Gainera, interneten informazio pila egonik, beraien esku daukate informazio hori orduro eta edozein momentutan zerbait ulertzen ez dutenean bertara jo eta kitto. Baina, hori guztiaz aparte, nik oraindik uste dut gauza batzuk badaudela ordenagailu gabe egiten direnak. Honekin esan nahi dut, idazten ikasi behar dutela. Badakit, eta bideoan ikusi dut ordenagailu horietan idatzi dezaketela baina ez dut uste gauza bera denik. Beharbada zahartuta egongo naiz baina ez dut uste teknologia berrien menpe egotea oso ona denik eta, bideoan ikusi duguna niretzat gehiegizkoa da.

2008.IV.24

Gaur, blogarekin jarraitu dugu. Hasteko, blogean bideo bat zelan sartu daitekeen ikasi dugu. Horretarako, irakaslearekin batera pausuz - pausu egin dugu. Bakoitzak nahi izan duen bideoa sartu ahal izan du eta sartu ondoren, bakoitzak bere blogean ikusi ahal izan du.

Ondoren, beste klasekideen blogera sartzeko binkuloak zabaldu ditugu. Horretarako, besteei galdetu diegu eta falta direnak egingo ditugulakoan geratu gara.

Blogen aplikazio didaktikoak

Gai honen inguruko informazioaren bilketan, artikulu interesgarri ezberdinak ikusi ditut. Ez nik uste bezain beste, berandu ibili naizelako eta bilatzeko orduan, googlen idatzi eta unibertsitateko kideen bloggean sartzen nintzen. Beraz, ez zait hain erraz egin artikuluak bilatzea.

Irakurri dudan bezala, bloggen bidez, , ikasleek pentsatu, idatzi, parte hartu eta elkarren artean jakintzak bana ditzakete. Bloggak, ikasleei hezkuntzan aktiboki parte hartzeko aukera eskaintzen die, informazioa partekatuz, eta beste norbaitek norberak idatzitakoari buruz iruzkinak egin ditzan. Egia da, ikasle guztien artean ez dagoela komunikatzeko gogo bera eta, batzuentzat klaseko lan aspergarrietako bat baizik ez dela bitakora. Ez dugu blogen filosofia oraindik barneratu. Beste batzuengan, berriz, idazteko grina bizkortzen du baliabide hau eskura izateak eta bitakorak komunikatzeko ematen duen aukera aparta ikusten dute.

Artikulu hauek diotenez gero eta blogg gehiago sortzen ari dira. Nik suposatzen dut ondoko arrazoi hauek eragin izugarria dutela horretan:
· Erabilterrazak dira. Nik egia esan, ez dut uste hain erraza denik blogg bat erabiltzea baina hori pertsonaren araberakoa izango dela uste dut.
· Multimediak dira, alegia, testua, irudiak, animazioak, ahotsa eta bideoa biltzeko euskarria eskaintzen dute.
· Ikaslearen partaidetza bultzatzen dute: tresna eraginkorrak dira metodologia eraikitzaile baten barnean.
· Gure egunerokoan erabiltzen ditugun beste hainbat baliabideekin konbinatuz, aurretik finkatutako helburu didaktikoak lortzeko oso baliagarriak dira.
· 5) Blogak eta horien inguruan erabil daitezkeen aplikazio guztiak doakoak dira.
Baina egia esan, bloggek hezkuntzan erabilera desberdinak izan ditzakete, portafolio elektroniko bezala, ikasle eta irakasleentzako web orria, talde lanean lan egiteko tresna, ikerketarako tresna... Aurkitu ditudan bi artikuluak, bi helbide hauetan aurki daitezke:
http://www.sarean.com/sarean/646
http://www.hikhasi.com/artikulua/1464

La web 2.0

Bideo hau ikusi ondoren ez dakit oso zehazki zer esan. Bideo honetan ikusi ahal izan dugu klasean emanda genuena. Orain ikusteak esan nahi du, ikasitakoa edo klasean emandakoa birpasatzen ari naizela. Esan behar dut nik web 2.o -ren kontu hori ez nekiela zer zen, baina hain gaizki ez dagoela esan dezaket, hau da, benetan informazioa lotzeko eta elkartrukatzeko bada, ondo dago.

Aipatzekoa da, bideo honetan esaten dutela edonork erabiltzeko gauza dela. Hau da, informazioa edonork publika dezakeela, edonork egin ditzakeela komentarioak eta abar. Ni horrekin ez dakit oso ados nagoen ez baitzait oso erraza iruditzen. Horretaz aparte, nahiko interesgarria iruditzen zait web 2.0 honek ekarri edo ireki duen sistema. Horretara, sarean gero eta baliabide gehiago aurketzeko aukera daukagu.

Aipatzekoa da, sistema berri honek bere efektuak dakartzala, adibidez, egunkariaren desagerpena. Niri pena handia ematen dit eguneroko egunkariak desagertzea. Nire ustez, gehiegi bizi gara teknologia berrien mende.

2008.IV.17

Gaurko klasean bloga apaindu dugu. Hasteko, gure perfilean gure argazkia sartuta ez geneukanak, argazkia sartu dugu. Horretarako perfila editatuz. Gero, gure bloggean erlojua jarri dugu. Bakoitzak nahi izan duena aukeratu du.

Gaur oso interesgarria iruditu zait klasea, aukera izan dugulako gure modura apaintzeko gure bloggsa. Orokorrean, gauza desberdinak eta interesgarriak ikasi ditugu.

Liburu elektronikoa

Bideo honi buruz, esan behar dut oso gauza edo material bitxia iruditu zaidala eta aldi berean, oso ondo pentsatuta dagoela. Beraz, oso egokia iruditzen zait. Pena ematen dit, nire eskola garaian horrelako tresnarik ez eduki izana. Oso egokia iruditzen zait Holandan planteatu duten ideia ere, liburu guztiak tresna honengatik ordezkatzea. Egia esan, ordua izan da horrelako zerbait asmatzeko, ikasleek motxiletan eramaten dugun pisua ez delako normala. Nik gaur eraman behar izan dut portatila unibertsitatera eta bere pisua eta beste gauzen pisuarekin, ia ezin izan dut. Ikasleen lepoak asko eskertuko du tresna hau, nik uste. Hori bai, neskak esan duen bezala, beharbada itxaron egin beharko dugu tresna honen prezioa ez dagoelako denen esku.

animator vs. animation

Nik ez dakit zein den bideo honen helburua oso zehazki baina, esan dezaket niri egia esan ez didala ezer esan. Bidoeo honen bidez ikus daiteke ordenagailuen bidez hainbat gauza egin ditzakezula, baina nire ustez arinegi gertatzen dira gauzak. Horretaz aparte, 6 munekoak agertzen direnean, seirak daude momentu berean zerbait egiten eta ezin izan diet denei jarraitu. Hau guztiaz aparte, ez daukat bideo honi buruz esateko beste ezer.

2008.IV.10

Gaurko klasean blog bat zer den ikasiko dugu. Horretarako irakasleak ikasleei galdetu digu zer den. Nik ideiarik ez daukat. Esan dutenagatik blog bat web gune bat da. Hasteko apunte batzuk ikusiko ditugu bitakora edp web logari buruz. Blog bat egunkari elektroniko bat da. Gaurko klasea amaitu baino arinau blog bat egingo dugu. Blog bat edonork egin dezake. Blog batean dagoena sarean dago; denetarik sartu geinke. Edonork egin ditzake iruzkinak. Egiten diren sarrera berriak goian agertzen dira, hau da, arinaukoaren gainean. "Feed" elikatu. "Feed back" retroalimentación. Informazio gehiegi dagoenean tak edo etiketak egiten dira. Hemen informazioa oso erraz gordetzen da. Erabiltzen da: informazioa gordetzeko, informazioa trukatzeko, iritzia elkartrukatzeko, feed -arena, lanak egiteko, proiektuak garatzeko, gauza pertsonalak gordetzeko (hau besteek ikusteko edo pribatua izan daiteke). Bloga egin dugu eta horretarako kolorea, letra mota, letraren tamaina eta nire perfila aldatu ditut.